ចក្ខុវិស័យកាន់តែច្បាស់អំពីសុវត្ថិភាពចរាចរណ៍ផ្លូវគោក

ក្នុងនាមជាក្រុមហ៊ុនផ្គត់ផ្គង់រថយន្ត Bosch ជឿជាក់ថាផលប៉ះពាល់គួរឱ្យកត់សម្គាល់បំផុតដែលឧស្សាហកម្មផលិតរថយន្តអាចធ្វើបាន គឺត្រូវផលិតរថយន្តដែលមានសុវត្ថិភាពជាងមុនបំពាក់ដោយប្រព័ន្ធសុវត្ថិភាពទំនើប។ ទន្ទឹមនឹងនេះ វាក៏ជាការជួយប្រជាជនឱ្យមានសុវត្ថិភាពនៅលើផ្លូវថ្នល់ មិនថាពួកគេកំពុងបើកបរ ជិះកង់ ឬដើរនោះទេ។

ដើម្បីរំលឹកប្រជាជនឱ្យចេះពិចារណា យើងបានកំណត់រកមើលជញ្ជាំងអគារដែលមានភាពទ្រុធទ្រោម ជាទីដែលមើលឃើញច្បាស់ មានទីតាំងស្ថិតនៅក្នុងតំបន់ដែលមានចរាចរណ៍កកស្ទះខ្លាំងនៃទីប្រជុំជន Mayangone នៃក្រុង Yangon ហើយបានប្រើឧបករណ៍បាញ់ទឹកលាងថាមពលសម្ពាធខ្ពស់របស់ក្រុមហ៊ុន Bosch ដើម្បី “សរសេរ” សារសុវត្ថិភាពមួយ។ សារនោះអានថា “ត្រូវប្រុងប្រយ័ត្នជានិច្ចនៅពេលអ្ន បើកបរ”។ យើងទទួលបានការគាំទ្រពីវិចិត្រករគំនូរតាមទីធ្លាសាធារណៈ ក្នុងតំបន់ លោក Arker Kyaw បង្កើតស្នាដៃសិល្បៈដែលពាក់ព័ន្ធ ហើយជួយយើង “លាបថ្នាំ” នៅលើជញ្ជាំង។

ក្រុមហ៊ុន Bosch បាននិងកំពុងធ្វើការលើការជឿនលឿនផ្នែកបច្ចេកវិទ្យាជាមួយនឹងចក្ខុវិស័យនៃការបើកបរដោយគ្មានគ្រោះថ្នាក់ចាប់តាំងពីឆ្នាំ ១៩៧៨។ ក្រុមហ៊ុននេះបានបង្កើតប្រព័ន្ធហ្វ្រាំងប្រឆាំងនឹងការជាប់សោរ (ABS) ដំបូងបង្អស់របស់ពិភពលោកសម្រាប់រថយន្តដឹកអ្នកដំណើរ ដែលការពារកង់រថយន្តពីការចាក់សោរពេលចាប់ហ្វ្រាំងបន្ទាន់។ ការច្នៃប្រឌិតនេះអនុញ្ញាតឱ្យអ្នកបើកបររក្សាការគ្រប់គ្រងចង្កូត ហើយក្នុងស្ថានភាពភាគច្រើនកាត់បន្ថយចម្ងាយហ្វ្រាំងដោយមិនឲ្យរអិល។ ក្នុងឆ្នាំ ១៩៩៥ ក្រុមហ៊ុន Bosch បានកែលម្អបច្ចេកវិទ្យាដោយបង្កើតកម្មវិធីទប់លំនឹងអេឡិចត្រូនិច (ESP) ដំបូងបង្អស់នៅលើពិភពលោក។

Beauty Beneath គឺជាផ្នែកមួយនៃយុទ្ធនាការ “យើងជួយធ្វើឱ្យមានភាពខុសគ្នា” របស់ក្រុមហ៊ុន Bosch ដែលកំពុងបន្តនៅអាស៊ីអាគ្នេយ៍ ដែលមានគោលបំណងបង្កើតការយល់ដឹងដល់អ្នកបើកបរយានយន្តឱ្យផ្តោតអារម្មណ៍លើផ្លូវ និងជៀសវាងគ្រោះថ្នាក់ចរាចរណ៍។ ក្រុមហ៊ុន Bosch ប្តេជ្ញាជួយសង្រ្គោះជីវិតមនុស្សដោយរក្សាផ្លូវអោយមានសុវត្ថិភាពជាងមុន តាមរយៈការជឿនលឿនផ្នែកបច្ចេកវិទ្យារបស់យើងជាមួយនឹងចក្ខុវិស័យនៃការបើកបរដោយគ្មានគ្រោះថ្នាក់។