និស្សិតឬ “អ្នកបង្កើតថ្ងៃស្អែក”?

បើកសម្ភោធក្នុងខែកញ្ញាឆ្នាំ ២០១៦ និស្សិតនៃសាកលវិទ្យាល័យជាតិឡាវ ត្រូវបានគេផ្តល់ឱ្យនូវការប្រកួតប្រជែងគ្នាក្នុងការបង្កើតគំនិតស្តីពីរបៀបប្រើអាងស្តុកទឹកចាស់ដែលគេទុកចោលឥតប្រយោជន៍ក្នុងបរិវេណសាលា។

ជាមួយនឹងការបើកកន្លែងរៀនសូត្រ និងកន្លែងធ្វើការ ប្រកបដោយភាពច្នៃប្រឌិត ឥលូវនេះនិស្សិតមានឱកាសសាកល្បងអនុវត្តគំនិតរបស់ពួកគេ។ នៅក្នុងកន្លែងមួយដែលពួកគេអាចជួប ហើយសាកល្បងគំនិតចុងក្រោយរបស់ពួកគេសម្រាប់ការច្នៃប្រឌិតនិងគម្រោងថ្មីៗ។ វាផ្តល់ឱ្យពួកគេនូវឱកាសដើម្បីកែលម្អជំនាញដោះស្រាយបញ្ហារួម និងជំនាញច្នៃប្រឌិតរបស់ពួកគេ ដោយអនុវត្តចំណេះដឹងខាងទ្រឹស្តីនៅក្នុងជីវិតពិត។

គម្រោង “អ្នកបង្កើតថ្ងៃស្អែក” មានគោលបំណងជំរុញឲ្យមានការដោះស្រាយបញ្ហាប្រកបដោយភាពច្នៃប្រឌិតក្នុងចំនោមយុវជន។ វាគឺជាបេះដូងនៃការប្តេជ្ញាចិត្តរបស់ក្រុមហ៊ុន Bosch ក្នុងការលើកកម្ពស់គុណភាពជីវិត បរិស្ថាន និងសង្គម។ ដោយប្រើអាងស្តុកទឹកចាស់ជាកន្លែងការងារជាក់ស្តែង និស្សិតបានបង្កើតកន្លែងទាំងមូលសម្រាប់ខ្លួនពួកគេ។

អគារ “អ្នកបង្កើតថ្ងៃស្អែក” គឺជាកន្លែងសិក្សាប្រកបដោយភាព ច្នៃប្រឌិតនិងបំផុសគំនិត ដែលប្រើថាមពលពន្លឺព្រះអាទិត្យទាំងស្រុង។ វាក៏មានប្រព័ន្ធខ្យល់ធម្មជាតិដើម្បីកាត់បន្ថយការចំណាយលើប្រព័ន្ធម៉ាស៊ីនត្រជាក់។ ដោយអាចដាក់និស្សិតបានប្រហែល ២០ នាក់ មួយលើក កន្លែងនេះមានបំពាក់ Wi-Fi និងសម្ភារៈសម្រួលការសិក្សា និងការតាំងបង្ហាញផលិតផលដោយក្រុមហ៊ុន Bosch។