យន្តហោះពេទ្យគ្មានមនុស្សបើកសម្រាប់ជួយសង្គ្រោះ!

មានមូលដ្ឋាននៅប្រទេសសឹង្ហបូរី និងបង្កើតឡើងដោយសហស្ថាបនិកបីរូប Yonah មានគោលបំណងជំនះលើឧបសគ្គនានាក្នុងការទទួលបានសេវាថែទាំសុខភាពនៅតាមតំបន់ជនបទតាមរយៈបច្ចេកវិទ្យាយន្តហោះគ្មានមនុស្សបើកដោយស្វយ័ត។

ដោយសារពេលវេលាសម្ភារៈវេជ្ជសាស្ត្រ ដូចជា ថ្នាំវ៉ាក់សាំងមិនអាចមានរយៈពេលយូរនៅខាងក្រៅទូរទឹកកក នៅទីបំផុតថ្នាំទាំងនេះត្រូវទុកចោលមិនប្រើ ដោយសារវាលែងមានប្រសិទ្ធភាព។ ការប្រើប្រាស់ដ្រូនស្វយ័តដើម្បីចែកចាយថ្នាំវ៉ាក់សាំង អាចជាចម្លើយដើម្បីធានាបាននូវការចែកចាយឱ្យបានទាន់ពេលវេលានិងមានសុវត្ថិភាពទៅតំបន់ដាច់ស្រយាល ដែលតម្រូវការនៃការផ្គត់ផ្គង់វេជ្ជសាស្រ្តមានសារៈសំខាន់ជាពិសេសក្នុងអំឡុងពេលមានការផ្ទុះឡើងនៃជម្ងឺ។

ភាពធន់និងភាពជឿជាក់នៃឧបករណ៍របស់ក្រុមហ៊ុន Bosch ជួយឱ្យក្រុមការងារ ធ្វើការពីគ្រប់ទីកន្លែងគ្រប់ពេលវេលា ទោះបីស្ថិតក្នុងស្ថានភាពបរិស្ថានដ៏លំបាកក៏ដោយ។ នេះត្រូវបានបង្ហាញក្នុងអំឡុងពេលនៃការហោះហើរសាកល្បងដំបូងរបស់ក្រុមការងារនៅតំបន់ខ្ពង់រាបប៉ាពួញូហ្គីណេ។

Yonah មានគោលបំណងដោះស្រាយបញ្ហាដឹកជញ្ជូនទំនិញនៅតាមតំបន់ជនបទ និងតំបន់ដាច់ស្រយាល ដែលនៅទៅនោះសណ្ឋានដី ជាបញ្ហាប្រឈម ហើយខ្វះហេដ្ឋារចនាសម្ព័ន្ធត្រឹមត្រូវ។ ក្រុមការងារនេះផលិតហេដ្ឋារចនាសម្ព័ន្ធយន្តហោះដ្រូនសម្រាប់ដឹកទំនិញ ដើម្បីផ្តល់សិទ្ធិអំណាចដល់សហគមន៍ដាច់ស្រយាល និងលើកកម្ពស់លទ្ធភាពទទួលបានសេវាថែទាំសុខភាពមូលដ្ឋាន។

Yonah ប្រមូលផ្តុំនិស្សិតវិស្វកម្ម និងកុំព្យូទ័រ ដែលត្រូវបានជំរុញដោយមានគោលបំណងធ្វើឱ្យមានការផ្លាស់ប្តូរនៅក្នុងពិភពលោក។