ជំហានសកល ឆ្នាំ 1906–1925
ពិភពតារាសាស្ត្រដែលទើបរះឡើងរបស់ក្រុមហ៊ុនត្រូវបានបង្អាក់យ៉ាងដំណំដោយសង្គ្រាមលោកលើកទីមួយ ដែលបន្ទាប់ពីនោះ Bosch ត្រូវផ្លាស់ប្ដូរ និងជំរុញការច្នៃបង្កើតថ្មីដើម្បីដោះស្រាយនឹងផលប៉ះពាល់។
ការចាប់ផ្ដើមនៅអាមេរិកដែល ឆ្លងកាត់មហាសាគរ
វាចាប់ផ្ដើមដំបូងបង្អស់ជាមួយនឹងការផ្សាយពាណិជ្ជកម្មនៃប្រព័ន្ធបញ្ឆេះម៉ាញ៉េតូនៅលើទំព័រសារព័ត៌មានអាមេរិក ដែលបាននាំទៅរកការបញ្ជាទិញ បើគិតជាប្រាក់មួយលានដុល្លារ សម្រាប់ Bosch នៅឆ្នាំ 1906 ហើយកើនឡើងទ្វេដងក្នុងរយៈពេលមួយឆ្នាំ។ មុខជំនួញនៅអាមេរិកមានភាពជោគជ័យខ្លាំងណាស់ដែលជំរុញឱ្យ Bosch ចាប់ផ្ដើមផលិតផលិតផលល្បីរបស់ខ្លួននៅរោចក្រផ្ទាល់ខ្លួនក្នុងឆ្នាំ 1912 នៅស្ព្រីងហ្វីល រដ្ឋម៉ាសាឈូសេត។
88 ភាគរយ — លទ្ធផលនៃសកលភាវូបនីយកម្ម
ក្រៅពីសហរដ្ឋអាមេរិក Bosch ក៏បានចាប់ផ្ដើមសង្កេតមើលទីផ្សារផ្សេងទៀតជុំវិញពិភពលោកផងដែរ។ ជាមួយនឹងការិយាល័យលក់នៅអាហ្វ្រិកខាងត្បូងពីឆ្នាំ 1906 អូស្ត្រាលីពីឆ្នាំ 1907 អាហ្សង់ទីនពីឆ្នាំ 1908 ចិនពីឆ្នាំ 1909 និងជប៉ុនពីឆ្នាំ 1911 បណ្ដាញអ្នកតំណាង Bosch មាននៅគ្រប់ទ្វីបទាំងអស់។ នៅឆ្នាំ 1913 មុខជំនួញនៅក្រៅប្រទេសអាល្លឺម៉ង់បង្កើតនបានការលក់ 88 ភាគរយសម្រាប់ក្រុមហ៊ុន។
ផលិតផលថ្មីៗ — គ្រឿងបំភ្លឺ ម៉ាស៊ីនភ្លើង និងម៉ាស៊ីនបញ្ឆេះ
នៅពេលរថយន្តក្លាយជាវត្ថុប្រើប្រាស់ប្រចាំថ្ងៃ ហើយល្បឿនលឿនទាមទារសុវត្ថិភាពកាន់តែខ្ពស់ Bosch បានចាប់ផ្ដើមផលិតផលដែលសមស្របនៅឆ្នាំ 1913 និង 1914។ ក្រៅពី “គ្រឿងបំភ្លឺ Bosch” — ប្រព័ន្ធបំភ្លឺអគ្គិសនីដែលរួមមានភ្លើងហ្វារ ម៉ាស៊ីនភ្លើង និយតករ និងអាគុយសម្រាប់ជួយឱ្យការបើកបរនៅពេលយប់កាន់តែមានសុវត្ថិភាព ម៉ាស៊ីនបញ្ឆេះបានបន្ថែមលើភាពជឿទុកចិត្ត។
មហន្តរាយ — សង្គ្រាមលោកលើកទីមួយ
ជាមួយការផ្ទុះឡើងនៃសង្គ្រាមលោកលើកទីមួយនៅឆ្នាំ 1914 ទីផ្សារបរទេសទាំងអស់បាត់សូន្យក្នុងពេលតែមួយប៉ប្រិចភ្នែក ការស្រាវជ្រាវ និងអភិវឌ្ឍត្រូវបានកាត់ផ្ដាច់ ហើយផលិតកម្មបែរទៅរកគ្រឿងបរិក្ខារ និងសព្វាវុធយោធា។ ជំនួសឱ្យគ្រឿងបញ្ឆេះម៉ាញ៉េតូ Bosch បានចាប់ផ្ដើមផលិតគ្រាប់បែកដៃ។ កម្លាំងពលកម្មប្រហែលពាក់កណ្ដាលត្រូវចូលបម្រើសេវាយោធា ហើយស្ត្រីបានចូលជំនួសដៃជើងវិញ។ ក្នុងកំណែនទាំងនេះ សហជីព 453 នាក់មិនអាចវិលត្រឡប់ពីសង្គ្រាមវិញបានទេ។
រូបសញ្ញា Bosch
ពាណិជ្ជសញ្ញាថ្មីទូទាំងពិភពលោក
ការិយាល័យលក់និងពាណិជ្ជសញ្ញាមានភាពសមស្របក្នុងសង្គ្រាមលោកលើកទីមួយ។ទោះយ៉ាងណាក្ដីក្រុមហ៊ុនBoschដែលបានទិញផ្ដាច់នៅអាមេរិកបន្តប្រើប្រាស់ពាណិជ្ជសញ្ញាBoschដែលគេស្គាល់ច្រើនសម្រាប់ការផ្សាយពាណិជ្ជកម្ម។ដើម្បីជៀសវាងការភ័ន្តច្រឡំប្រធានអ្នកច្នៃបង្កើតថ្មីលោកGottlobHonoldបានរចនាពាណិជ្ជសញ្ញារូបយុថ្កាក្នុងរង្វង់ថ្មីមួយនៅឆ្នាំ1918ដែលបន្តផ្សារភ្ជាប់ជ្រៅជាមួយBoschមកទល់សព្វថ្ងៃ។
រូបថត៖គំនូសព្រាងនៃរូបសញ្ញាថ្មី(ឆ្នាំ1918)
ការចាប់ផ្ដើមថ្មី — ការតបតនឹងការប្រឆាំង
ក្រោយសង្គ្រាមបញ្ចប់នៅឆ្នាំ 1917 ក្រុមហ៊ុនមហាជនទទួលខុសត្រូវមានកម្រិត Robert Bosch AG បានប្រឈមនឹងបញ្ហាយ៉ាងច្រើន។ ការត្រឡប់ទៅទីផ្សារពិភពលោកត្រូវបានរំខានដោយកាប្រកួតប្រជែងកាន់តែច្រើនឡើង ហើយសិទ្ធិប៉ាតង់របស់ក្រុមហ៊ុនត្រូវបានដកហូត។ ប៉ុន្តែក្រុមហ៊ុនមិនចុះចាញ់ឡើយ។ ទំនាក់ទំនងចាស់ៗបានតភ្ជាប់ឡើងវិញ ហើយទីផ្សារថ្មីបានបើកចំហ។ ទន្ទឹមនឹងនោះ ក្រុមហ៊ុនបានផ្ដោតទៅលើជំនាញស្នូលមួយ — ការចង់បានការច្នៃបង្កើតថ្មី
មុខងាររថយន្តថ្មី — ផ្លិតទឹក និងស៊ីផ្លេ
សកម្មភាពដែលបានបង្អាក់ដោយសង្គ្រាមឥឡូវបានណែនាំឡើងវិញ។ សុវត្ថិភាពលើផ្លូវដែលមានចរាចរមមាញឹកបានក្លាយជាកម្លាំងចលករសម្រាប់អ្នកស្រាវជ្រាវ និងអ្នកអភិវឌ្ឍនៅ Bosch។ ភ្លើងម៉ូតូ និងកង់ ស៊ីផ្លេ Bosch ផ្លិតទឹកកញ្ចក់មុខ និងគ្រឿងបញ្ឆេះដោយអាគុយត្រូវបានដាក់បន្ថែមទៅក្នុងកម្រងផលិតផលត្រឹមឆ្នាំ 1926។
Bosch Car Service
សេវាបម្រើអតិថិជនតាមបទដ្ឋានគ្រប់ពេលគ្រប់កន្លែង
បណ្ដាញរោងជាងឯករាជ្យសម្រាប់ការជួសជុលនិងដំឡើងដែលសុទ្ធតែអនុលោមតាមបទដ្ឋានតែមួយមិនមែនជារឿងថ្មីទេ។រឿងនេះមាននៅសហរដ្ឋអាមេរិកតាំងពីមុនសង្គ្រាមមកម្ល៉េះ។ក្នុងឆ្នាំ1921ក្រុមហ៊ុនBoschបានចាប់ដំណើរការយានដ្ឋាន“BoschCarService”នៅក្រៅអាល្លឺម៉ង់ដែលប្រែជាពេញនិយមយ៉ាងឆាប់រហ័សនាំឱ្យត្រឹមឆ្នាំ1930ប៉ុណ្ណោះក្រុមហ៊ុនមានរោងជាងចំនួន2,750ក្នុង70ប្រទេស។ រងជាងទាំងនេះ បានជួយផ្សព្វផ្សាយកេរ្តិ៍ឈ្មោះរបស់Boschនៅទូទាំងពិភពលោក។
រូបថត៖ចង្កៀងសេវាBoschក្លាយជារូបសញ្ញាពិសេសរបស់រោងជាង។
សង្វាក់ការងារតជាប់គ្នា — ខ្សែសង្វាក់ផលិតកម្ម
ការប្រកួតប្រជែងមើលឃើញកាន់តែច្បាស់ឡើងៗ ពេលគុណភាពដៃគូប្រកួតអាចប្រៀបធៀបជាមួយ Bosch បាន ហើយការផលិតបានឆាប់ជាង និងថោកជាង។ មូលហេតុមួយគឺដោយសារខ្សែសង្វាក់ផលិតកម្ម ដែល Bosch ក៏បានចាប់ផ្ដើមណែនាំជាជំហានៗចាប់ពីឆ្នាំ 1925 មក។ ការងារដែលធ្លាប់តែប្រើពេល 50 ថ្ងៃដើម្បីផលិតប្រព័ន្ធបញ្ឆេះម៉ាញ៉េតូទាំងមូលមួយ ខ្សែសង្វាក់ផលិតកម្មបានជួយបន្ថយមកត្រឹមប្រាំថ្ងៃប៉ុណ្ណោះ។
