ការស្ថាបនាឡើងវិញ ឆ្នាំ 1946–1959
នៅដំណាច់សង្គ្រាមលោកលើកទីពីរ Bosch បានបាត់បង់បណ្ដាញទីតាំងអន្តរជាតិរបស់ខ្លួនជាលើកទីពីរ។ មួយផ្នែកធំនៃរោងចក្រផលិតកម្មក្លាយជាសំណង់បាក់បែក។ ពីរទសវត្សរ៍បន្ទាប់គឺជាពេលស្ថាបនាឡើងវិញ និងទាញយកប្រយោជន៍ពីមុខជំនួញថ្មីៗផងដែរ។
ជាមួយនឹងរទេះរុញ និងប៉ែល — ការស្ថាបនាឡើងវិញនៅ Bosch
ត្រឹមឆ្នាំ 1945 ច្រើនជាង 50 ភាគរយនៃតំបន់រោងចក្ររបស់ Bosch នៅអាល្លឺម៉ង់ត្រូវបានបំផ្លិចបំផ្លាញដោយគ្រាប់បែកយុទ្ធសាស្ត្រសម្ព័ន្ធមិត្ត។ ការដើរតួគន្លឹះជាអ្នកផ្គត់ផ្គង់គ្រឿងយន្តយោធាក្នុងពេលសង្គ្រាមបានធ្វើឱ្យ Bosch ក្លាយជាមុខព្រួញយុទ្ធសាស្ត្រមួយ។ ឥឡូវ ក្រុមហ៊ុនត្រូវធ្វើការសម្អាត សាងសង់ និងបង្កើតការងារសម្រាប់សហជីព។
ក្បាលប៊ូស៊ី និងឆ្នាំងចម្អិនម្ហូប — ការតស៊ូក្រោយសង្គ្រាម
ដើម្បីរកបុគ្គលិកមកវិញ និងបើកប្រាក់បៀវត្សរ៍ដល់ពួកគេ Bosch បានចាប់ដំណើរការឡើងវិញដោយផលិតឆ្នាំងចម្អិនម្ហូបពីមួកដែកសុវត្ថិភាព រទេះរុញ និងឆ័ត្រក្នុងសំណង់រោងចក្របាក់បែក។ បុគ្គលិកអាចប្រើគ្រឿងប្រើប្រាស់ទាំងនេះខ្លួនឯង ឬលក់ដើម្បីបានរបស់ប្រើប្រាស់ចាំបាច់ផ្សេងទៀត។ ផលិតផលដំបូងដែលរាងស្មុគស្មាញគឺក្បាលប៊ូស៊ីសម្រាប់យានជំនិះកងយោធារបស់សម្ព័ន្ធមិត្ត។
អ្នកអនុវត្តឆន្ទៈរបស់ Robert Bosch និងប្រធានក្រុមប្រឹក្សាគ្រប់គ្រង
លោក Robert Bosch បានទទួលមរណភាពក្នុងឆ្នាំ 1942។ អ្នកទទួលខុសត្រូវអចលនទ្រព្យរបស់លោកបានស្ថាបនាក្រុមហ៊ុនឡើងវិញតាមបំណងប្រាថ្នា និងលិខិតបណ្ដាំរបស់លោកក្រោយឆ្នាំ 1945។ គោលបំណងគឺដើម្បីបង្កើតផលចំណេញ ហើយក៏បញ្ជូនប្រាក់ចំណេញទាំងនេះខ្លះទៅក្នុងបុព្វហេតុសប្បុរសធម៌ផងដែរ។ លោក Hans Walz បានដំណើរការក្រុមហ៊ុនជាអ្នកបន្តវេនស្ថាបនិករូបនេះរហូតដល់ឆ្នាំ 1963។
នីតិវិធីប្រឆាំងនឹងការផ្ដាច់មុខ — ការភ័យខ្លាចបាត់បង់អ្វីទាំងអស់
មហិច្ឆតាក្ដាប់អំណាចសកលលោករបស់អ្នកសង្គមនិយមជាតិអាចសម្រេចបានដោយសារមានជំនួយពីក្រុមហ៊ុនដែលមានសេដ្ឋកិច្ចខ្លាំងក្លាប៉ុណ្ណោះ។ ហេតុដូច្នេះហើយទើបក្រុមសម្ព័ន្ធមិត្តព្យាយាមបំបែកសាជីវកម្មធំៗរបស់អាល្លឺម៉ង់ រួមបញ្ចូលទាំង Bosch ផងដែរ។ ទោះយ៉ាងណាក៏ដោយ ក្រុមហ៊ុនបានរីកចម្រើនតាំងពីដើមមកម្ល៉េះ ដែលមានន័យថា ផ្នែកនីមួយៗមិនអាចសម្រេចដោយគ្មានគ្នានោះទេ។ ទីបំផុត ក្រុមហ៊ុន Bosch នៅបន្តដូចដើមដដែល ថ្វីត្បិតតែត្រូវបើកបង្ហាញប៉ាតង់របស់ខ្លួនសម្រាប់ឱ្យដៃគូប្រកួតប្រជែងទាំងអស់ប្រើក៏ដោយ។
“ផលិតនៅទូទាំងពិភពលោក” — វិថីថ្មីទៅកាន់ក្រុមហ៊ុនអន្តរជាតិ
មុនពេល Hitler (ហ៊ីត្លែរ) ក្ដាប់អំណាច ការលក់ច្រើនជាង 50 ភាគរយរបស់ Bosch បានមកពីជំនួញអន្តរជាតិ។ ប៉ុន្តែក្រោយឆ្នាំ 1945 អ្វីៗស្ទើរតែអស់រលីង ហើយទ្រព្យអន្តរជាតិរបស់ក្រុមហ៊ុនត្រូវបានដកហូត។ ដោយសារមានទំនាក់ទំនងល្អជាមួយដៃគូយូរឆ្នាំ និងដោយសារទីផ្សារដែលរីកលូតលាស់រហ័សនៅប្រទេសដូចជាប្រេស៊ីល និងឥណ្ឌាជាដើម ការកសាងបណ្ដាញសកលលោកចាបផ្ដើមជោគជ័យបន្តិចម្ដងៗ។ ទោះយ៉ាងណាក្ដី វាត្រូវចំណាយពេលរហូតដល់ឆ្នាំ 1960 ទើបការលក់នៅទីផ្សារអន្តរជាតិកើនលើស 20 ភាគរាយជាថ្មីម្ដងទៀតនៅ Bosch។
ថ្លៃថ្នូលឥតខ្ចោះ — បច្ចេកវិទ្យាសម្រាប់អ្នកប្រើប្រាស់
នៅដើមទសវត្សរ៍ឆ្នាំ 1950 ក្រុមហ៊ុន Bosch បាននាំយកផលិតផលទៅក្នុងទីផ្សារដែលឆ្លុះបញ្ចាំងពីអច្ឆរិយសេដ្ឋកិច្ចអាល្លឺម៉ង់ និងអឺរ៉ុប ហើយបំពេញតាមតម្រូវការប្រើប្រាស់របស់មនុស្ស ដោយសម័យអន្ធការបានបញ្ចប់។ ឧទាហរណ៍រួមមានគ្រឿងប្រើប្រាស់ផ្ទះបាយ និងគ្រឿងស្វាញអគ្គិសនីសម្រាប់ធ្វើដោយខ្លួនឯង។ ផលិផលសំខាន់ដូចជាវិទ្យុរថយន្តលក់បានរាប់លាន។
គ្រឿងប្រើប្រាស់តាមផ្ទះបាយរបស់ Bosch
“សម័យថ្មី”ចាប់ផ្ដើមនៅផ្ទះបាយ
ម៉ាស៊ីនធ្វើម្ហូបរបស់Boschត្រូវបានហៅថាគន្លឹះសំខាន់ពីរនៅពេលចាប់ផ្ដើមដំណើរការ។ម៉ូដែលនេះមានឈ្មោះថា“Neuzeit”ដែលត្រូវបានផ្សព្វផ្សាយជា“អ្នកជួយស្ត្រីជនបទ”។អតិថិជននៅទីក្រុងអាចរំពឹងទទួលបានបច្ចេកវិទ្យាគ្រួសារទំនើបសម័យថ្មីដែលនឹងជួយសម្រួលដល់ការងារផ្ទះ។
ភាពទាក់ទាញចំពោះគ្រួសារជនបទគឺថាម៉ាស៊ីននេះធ្វើឱ្យការធ្វើម្ហូបច្រើនមានងាយស្រួលជាងមុន។មូលហេតុមួយគឺដោយសារគ្រួសារធំទូទៅមានកូនច្រើននិងមួយទៀតគឺត្រូវការរៀបចំបន្លែផ្លែឈើឱ្យបានឆាប់ដើម្បីទុកប្រើពេលក្រោយបានឧទាហរណ៍ដោយដាក់ឱ្យបន្លែកកឬធ្វើជាដំណាប់និងគ្រឿងត្រាំ។
“Neuzeit”គឺជាឧបករណ៍ពហុមុខងារដែលអាចកាត់លុញច្របាច់ឈូសសង្កត់និងសូម្បីចិត្តសម្បកដំឡូងបារាំង។
រូបថត៖ គំរូឧទាហរណ៍លក់សម្រាប់ម៉ាស៊ីនធ្វើម្ហូបនៅហាងលក់បញ្ចេញក្នុងទីក្រុងស្ទូតហ្គាត (ឆ្នាំ 1962)
ការបង្កើតគ្រឿងពេញនិយមមុនៗឡើងវិញ — ប្រព័ន្ធបាញ់សាំងក្នុងរថយន្ត
បច្ចេកវិទ្យាដែលប្រើក្នុងផលិតផល Bosch ភាគច្រើននៅមានប្រភពចេញពីជំនាន់មុនសង្គ្រាម។ ប៉ុន្តែនេះត្រូវការការច្នៃប្រឌិតដើម្បីរក្សា និងធ្វើឱ្យមានប្រៀបបាន។ បច្ចេកវិទ្យាបាញ់សាំង ដែល Bosch បានអភិវឌ្ឍសម្រាប់ម៉ាស៊ីនយន្តហោះ បានលេចឡើងជាការច្នៃបង្កើតថ្មីក្នុងរថយន្តនៅដើមទសវត្សរ៍ឆ្នាំ 1950 ថ្វីត្បិតតែវាត្រូវចំណាយពេលរាប់ទសវត្សរ៍ មុននឹងប្រើជាបទដ្ឋាន។
Bosch Combi
គ្រឿងអគ្គិសនីតាមផ្ទះ
ការនិយមធ្វើដោយខ្លួនឯងបានក្លាយជាមុខជំនួញកាក់កបសម្រាប់ Bosch។ ឧបករណ៍អគ្គិសនី “Bosch Combi” ដែលបានចាប់ផ្ដើមក្នុងឆ្នាំ 1952 អាចប្រើបានច្រើនយ៉ាងច្រើនបែប ដោយផ្អែកតាមគ្រឿងភ្ជាប់ដែលជ្រើសរើស អាចធ្វើជាម៉ាស៊ីនស្វាញ ជាទូរណឺវីស ជាម៉ាស៊ីនខាត់ ឬជាប្រដាប់កាត់មេឃឈើក៏បាន។ ការផ្ដល់ជូននេះបង្កើតជាមុខជំនួញថ្មីស្រឡាងនៅអឺរ៉ុប ដែលពេលនោះនៅជាឧបករណ៍អគ្គិសនីសម្រាប់ប្រុសៗប្រើធ្វើការ — “ធ្វើដោយខ្លួនឯង” ភាគច្រើននៅយានដ្ឋាន និងបន្ទប់ក្រោមដី។
ឈុតឧបករណ៍ទាំងមូលដែលមានគ្រឿងភ្ជាប់បទដ្ឋានត្រូវបានលក់ជាប្រអប់ ឬជាទូឈើសម្រាប់ដំឡើងនៅជញ្ជាំង។ Bosch បានអភិវឌ្ឍឧបករណ៍អគ្គិសនីគន្លឹះខ្សែទីពីរតាមលក្ខណៈនេះ ដើម្បីបំពេញបន្ថែមដល់ក្រុមឧបករណ៍អគ្គិសនីជំនាញសម្រាប់កន្លែងសាងសង់ ដោយរួមបញ្ចូលទាំងម៉ាស៊ីនខួង។
រូបថត៖ “Bosch Combi” សម្រាប់ធ្វើដោយខ្លួនឯង — ជាមួយនឹងប្រអប់យួរមានប្រយោជន៍ (ឆ្នាំ 1952)
គ្រឿងអេឡិកត្រូនិក — ខ្សែជំនួញដែលមានផលវិបាក
Bosch បានចាប់ផ្ដើមបង្កើតសមាសភាគអេឡិកត្រូនិកនៅពាក់កណ្ដាល់ទសវត្សរ៍ឆ្នាំ 1950។ គ្រឿងអេឡិកត្រូនិកដំបូងគឺ “variode” ដែល Bosch បានចាប់ផ្ដើមផលិតក្នុងឆ្នាំ 1958។ បន្ទាប់មកគឺត្រង់ស៊ីស្ទ័រs រួចពីឆ្នាំ 1970 មក គឺសៀវគ្វីបញ្ចូលគ្នា។ អ្នកមន្ទិលសង្ស័យធ្វើការរិះគន់ រីឯអ្នកគាំទ្រសម្ដែងក្ដីសាទរយ៉ាងខ្លាំង ដោយឧបករណ៍ទាំងនេះបានបើកផ្លូវដំបូងសម្រាប់វិស័យអេឡិកត្រូនិក ដែលឥឡូវក្លាយជាមុខជំនួញស្នូលរបស់ Bosch។
